1.摩登保鑣
「摩登保鑣」主題曲
作詞：許冠傑／黎彼得
作曲：許冠傑
香港啲飛仔打劫好新潮，下下都出啲怪招，
出親街金錶火鑽好招搖，最怕有咁啱得咁「蹺」，
你實在要請保鑣，諸君咪話無聊，
若係有左保鑣，你會冇曬騷擾。
一枝公煲煙睇戲好「他條」，會有把刀仔插腰，
書院女青春可愛好嬌堯，「襯」佢上車一於照標，
你實在要請保鑣，諸君咪話無聊，
若係有咗保鑣，你會冇曬騷擾。
古裝片都講啲保鑣，四處押貨戰血染山腰，
替顧客消災，威名遠耀，
家陣啲摩登保鑣，個個搏殺對更關照，
你要坐穩轎，請番個摩登保鑣。
2.印象
「摩登保鑣」插曲
作詞：許冠傑／黎彼得
作曲：許冠傑
誰令我當晚舉止失常，難自禁望君您能見諒，
但覺萬分緊張，皆因跟您遇上，誰令我突然充滿幻想。
誰令我音韻腦際飄揚，撩動我內心愛情醞釀，
為我撥開憂傷，找得失去樂暢，誰令我彷似初戀再嘗。
我心中蘊藏，愛意千百丈，
怎許相依戀，永遠心相向，
結伴上天際，似燕子飛翔，
雙雙去編寫動聽樂章。
誰令我朝晚苦苦思量，長在夢境永恆照亮，
令我萬千猜想，分不清去向，留下了這個深刻印象。
3.扮
作詞：許冠傑／黎彼得
作曲：許冠傑
我時時扮，言談扮相妖冶，逢人就嗲，行為十足小姐，
動作多扭擰，行路腰似蛇，雙眼又邪，帽又戴歪。
時時扮，完全掂過碌蔗，頻頻換車，其實係指單車，
做廁所洗地 成日充少爺 人人窒我我照扮。
我老竇查實姓謝，改左佢話姓小野，
出街我仲夠 LAIR-HAIR，冇雨落成日帶遮，
時時扮，冇料又好演，求其亂車，俄文日分識寫，
重要懶醒目，凡時都要 FAIR 敦正大蛇，重招待記者。
時時扮，何妨扮到 PAIR 逢人就賒，唔掂就搵姑姐，
話阿三叔病，尋日死阿爺，連隨踮曬我靠扮。
4.笑下就算
作詞：許冠傑／黎彼得
作曲：許冠傑
笑下就算，無謂咁緊張笑下就算，人海滄桑多變遷，
誰會永遠獲如願，是非得失少不免，要順下自然。
笑下就算，毋用太憂心笑下就算，無須天天多牽掛，
雲會散去月重現，漫天風霜終轉暖，地球日日轉。
何必諸多淒酸，容我衷心相勸，塵世種種恩怨，
他朝也盡化煙，人生多麼短，誰顧得這麼遠，
時間匆匆咁轉，轉眼就完。
笑下就算，凡事要睇開笑下就算，如果衝出這個圈，
唔怕再會受迷亂，蝕抵多少都算，地球日日轉。
5.長春不老
作詞：許冠傑／黎彼得
作曲：許冠傑
要長春不老秋風一起就進補，要長春不老大閘蟹應該淨喫羔，
成日要燉翅食燕窩奶露，平時喫飯喫藥要依鐘數，
要長春不老心境咪暴躁。
要長春不老朝朝起身練跳高，要長春不老落雨打風亦要操，
晨運托住塊石 YANG 幾哩路，螳螂太極劍術要耍幾套，
要長春不老郁多最著數。
一出親街你要記住剃鬚，額角一見脫髮成日戴帽，
老友問年齡求其亂報，時時認細老。
要長春不老早起早抖就最好(身體會好)，
要長春不老酒色煙賭話句 NO(幾大要NO)，
成日搏命去學最新舞步，平時假日記住著Ｄ花布，
要長春不老通通要做到。
6.我的心仍屬於您
作詞：許冠傑／黎彼得
作曲：許冠傑
共妳意見多分歧，事到予今不可再避，
子女在遊戲，全未瞭解雙親痛悲。
望妳對阿輝阿薇，倍加關心體恤佢地，
使佢地明理，咪把DADDY在心記。
情所鍾，妳未有相欺，何須多介懷是與非，
緣已盡，一早已預備，無奈我不忍拾離妳。
共妳此刻惜分離，各走一方分飛異地，
輕挽著行李，甜蜜往昔偏偏記起。
念八載枕邊恩情，說不出心中滋味，
怎去淡忘妳，我的心仍屬於妳。
7.恭喜！恭喜！
作詞：許冠傑／黎彼得
作曲：許冠傑
恭喜！恭喜！春節笑微微，財神陪住你，時時大四喜，
恭喜！恭喜！福到你門楣，場場馬都勝利，週年有運氣。
恭喜！恭喜！考試冇話肥，兒童成大器，才華耀世紀，
恭喜！恭喜！雞靚鴨又肥，人人有本有利，聲名遍萬里。
多吉多利，年頭好景好到尾，添屋添地，文鹹東街歸曬你，
(歡天喜地，燃油減番七個四)
恭祝街坊老友記，個個一切順順利，老李老四互助又和氣。
恭喜！恭喜！婚禮決定期，同諧連理，連隨就有喜，
恭喜！恭喜！夫婦冇別離，人人冇乜禁忌，精神夾健美。
8.人辦
作詞：許冠傑／黎彼得
作曲：許冠傑
佢為人無聊返工等放工，時時蛇王郁Ｄ詐胃痛，
隨時頭暈傷風腳話凍，放假俾佢即刻通街貢，
求人同情花款幾百種，時時同人 WEAR 水當贈送，
每次到佢出錢肉痛，送野俾個 GIRL FRIEND 出手重。
佢成條搞風搞雨掘尾龍，隨時等炒擺慣大信封，
頻頻有意製造人內鬨，佢望人罷曬工，
同人蹧把聲響過喇叭筒，一打交「啜」聲屈尾十一嗌鬆，
走精便卸曬膊累埋大眾，專門搞搞貢。
佢時時同人打牌專搏懞，明明人求「卡窿」佢話碰，
詐詐諦諦偷睇四面哄，佢最鐘意週身鬱鬱貢，
平時逢人請飲梗肚空，同檯人人乾杯佢食送，
次次同人猜枚冇話中，到尾梗要打包幾斤重。
9.陽光
作詞：許冠傑／黎彼得
作曲：許冠傑
陽光，將失意化造熱望，明朗，會驅散心中驚慌，
陽光，使山明水秀氣又壯，溫暖滲入潮浪，明艷遍天空四方。
陽光，把一切變做願望，明朗，百花也充滿芬芳，
陽光，使枝頭小鳥唱近況，解我恨憂煩悶身心盡開朗。
熱與光天天都不忘，燃亮世間顆顆心房，能令世界進步人人健康，
熱與光分分不隱藏，長日發出金色光芒，常令您我快樂抑鬱也盡放。
10.甜蜜往事
作詞：許冠傑／黎彼得
作曲：許冠傑
獨回味甜蜜的往事，我共您綠野中散步，
綿綿情意，您輕執起一節樹枝，在松樹塗劃一「愛」字，
您仲會用個心括住，柔情無限，百般心思，使我會意。
您話逢失意時，此心會為我醫，
我若然心變時，此心會話您知。
願留住甜蜜的往事，幻夢裏共您喜再遇，
綿綿情義，您輕執起一塊石子，在岩石塗劃一「愛」字，
您又試用個心括住，柔情無限，百般心思，體貼盡致。
11.歌曲解困憂
作詞：許冠傑／黎彼得
作曲：A.Hammond／R.Cook
樂韻此際輕奏，期望您願接受，願您跟我邊唱邊跳，空間充綺流，
愉快心裡輕透，疑慮放在腦後，莫計彼我相愛相勉，好個唱多首。
唱首歌解憂愁，能忘掉心中既自疚，
每感悔恨時候，借歌聲將那悲哀輕送走。
唱首歌解憂愁，麻煩事心中在沒有，每感厭倦時候，以歌曲解困憂，
大眾心意相扣，尋樂趣敘下舊，樂韻使您解去束縛，心中感到自由，
盡興一次點夠，還忘我的以後，又再多次歡對歡笑，好歌唱不休。
12.我問
作詞：黃霑
作曲：馮添枝
我問，點會從前咁天真，不追名利，
不染紅塵，相信美夢可變真，
我問，點會從前咁可親，不知懷恨，
不結仇人，相信個個係好人。
究竟誰使我改變，令我消失了本真，
再沒有傻氣，再沒有純潔，決定遺忘可愛的心，
如何再變番好似同舊陣時，除盡俗氣俗韻。
| 
-摩登保鑣.jpg)